منبر العراق الحر منبر العراق الحر
مقالات مشابهة
منبر العراق الحر :
اهلنه بالجنوب گبل أول ما صرنا صبيان وطلعنه للشارع وسجلونه بالمدارس چانو يحذرونه من فئة سرسرية سختچية شلايتية يسموهم (أرباب السوابق) ويگولون هذوله بايعين ومخلصين ومسقطين فابتعدو عنهم لأن مالهم رداد وما وراهم غير الطراگیع والطلایب والمصايب والمعثرات٠
هسه احنه كبرنه وصرنه آباء وأجداد فرحانين بالأحفاد وطلعت النه فئة جديدة تتكاثر وتلعب بالعراقيين شاطي باطي أسمهم (أرباب الفضايح) لأن فضايحهم ملاحگ حتی استراحه بین فضيحة والثانية ماكو ٠٠ يوم يتملكون عقارات الدولة ، ويوم يعرينون طالبات على قنفة عميد الكلية ، ويوم مسؤول نزاهة يبوگ النزاهه وما بیهه ، ویوم مصخم وملطم استاذ جامعي يعزم زميلته الاستاذة بالچول حته يشرح الهه بنص العاگول والحندگوگ كيف كادَ المُعَلّمُ ان يكون رسولا ، ويوم مستشار ياخذ قمسيونات باسم المعالي فوگ الزوالي والبدر يلالي !!
زين احنه شلون نحذر اولادنه واحفادنه من هاي الفئة الضالَّة المُضِلَّة إذا هُمَّه لو سلاطين لو من أهل السلطة لو من جماعة:
(ناسِبنَه الحكومًة وبئينَه حبايب) على گولة رَيّا وسكينه وعريف عبدالعال ؟؟