منبر العراق الحر منبر العراق الحر
مقالات مشابهة
منبر العراق الحر :
(المؤمن لا يُلدَغ من جحرٍ مرّتين)٠٠
▪︎تذكير وموعظة حسنة ونصيحة صريحة وواضحة وما ينرادلهه لف ودوَران ، وهذا الميدان يحميدان٠
▪︎يعني المؤمن اللي ينلدغ مرتين لو أحوَل لو أثوَل لو مضيِّع صول چعابه ۰۰ معناهه اللي ينلدغ ثلث مَرّات يفقد صفة المؤمن و(بالتالي) كما يقول المحللون السياسيون ، تنسحب منه هويّة المؤمنين ويترقن قيده٠
▪︎زين اللي صارله عشرين سنه شابع لدغات وكَرصات وعضّات وطراگات وسطرات وكفخات ودَفرات وهَسَّه مسَرفِن رداناته ويريد يفّوّت اصبعه البنفسجي بالجحر من جديد ، هذا بحساب العرب والمسلمين والمحللين السياسيين شباقي من آدميته؟
■ اويلي شكَد خطية طلي الفاتحه !!